Mal’Cunciliu
in periculu 
Francescu
Mercuri
Musa s’è tu si pronta
E sè tu si ripusata
Succorimi in rima piana
Ch’oghje tu si imvitata
Dicenu chi c’hè bisbigliu
A u pede di Mal’Cunciliu
Dicenu ch’à Mal’Cunciliu
Oghje u volenu sbrembà
Anu arrutatu l’accette
E so pronti à taglià
L’alberu misteriosu
Ch’ellu tante cose sà
Alberu misteriosu
Qui sumena u terrore
Dice chi parla à u mazzeru
Quandu ch’ellu hè cacciatore
A notte ind’u caravone
Ch’un si sente nisun’rimore
O s’è tù pudia tù
Parlaci di u passatu
Diciaristi à st’assassini
Quanti corpi aghju tichjatu
Ogghje u ringraziamentu
Hè l’accetta e u pinnatu
Ma eiu un voliu more
Chi so bellu arradicatu
Incù i mio radiconi
A corsica aghju abracciatu
E poi da qualchi umani
Oghje mi sentu appughjatu
Diciaraghju a musa cara
Ch’ella fessi una preghera
Ch’ella vochi in infernu
Quell’anima cusi nera
Sta manu assassina
Chi t’a dichjaratu guerra
Ascu, u quattru ottobre 2006
Pour défendre Mal'concilio ,marquer votre indignation, vos remarques, vos suggestions , rejoignez le Forum